Kraftmikil byrjun með 7 venjum til árangurs!
Í byrjun janúar hélt FranklinCovey á Íslandi einstaka kraftvinnustofu þar sem um 30 leiðtogar og áhrifafólk úr íslensku atvinnu- og menningarlífi komu saman til að hefja árið á öflugum grunni með 7 venjum til árangurs. Vinnustofan var haldin í fallegri umgjörð Vinnustofu Kjarvals og ríkti þar mikil orka, einlægni og metnaður fyrir persónulegum og faglegum vexti.
Dagurinn var bæði vel sóttur og einstaklega vel heppnaður. Þátttakendur tóku virkan þátt í umræðum, verkefnum og ígrundun og mynduðust dýrmæt samtöl um leiðtogafærni, sjálfsforystu, forgangsröðun og samvinnu – kjarnann í 7 venjum til árangurs.
Við hjá FranklinCovey viljum færa öllum þátttakendum innilegar þakkir fyrir traustið, orkuna og einlægnina sem þau færðu með sér inn í daginn. Hópurinn skapaði einstaka stemningu þar sem fólk studdi hvert annað, deildi reynslu og tók markviss skref í átt að meiri skýrleika og árangri.
7 venjur sem skapa raunverulegan árangur
7 venjur Stephen R. Covey hafa í áratugi verið einn öflugasti ramminn í heiminum fyrir persónulegan og faglegan árangur. Þær hjálpa fólki að byggja upp sjálfsaga, skýran fókus, traust, áhrifarík samskipti og raunverulegt samstarf. Á vinnustofunni fengu þátttakendur bæði djúpan skilning á venjunum og hagnýt verkfæri til að innleiða þær í daglegt líf og starf.
Endurgjöf þátttakenda sýnir vel hversu mikil áhrif vinnustofan hafði. Hér eru nokkur dæmi úr umsögnum:
„Vinnustofan 7 venjur til árangurs er akkúrat umbreytingin sem ég þurfti að fá í mitt líf.“
„Besta og gagnlegasta námskeið sem ég hef farið á tengt hlutverki stjórnanda.“
„Valdeflandi vinnustofa með jákvæðri framsetningu og fullt af góðum verkfærum og áminningum um góðar venjur.“
„7 habits námskeiðið var mjög góð leið til að endurstilla sig og ég mun hiklaust mæla með því fyrir aðra stjórnendur.“
„Kjarngóð vinnustofa sem eflir stjórnendur bæði í starfi og einkalífi. Frábærir kennarar og góð nálgun.“
„Frábær vinnustofa og mikill innblástur til að staldra við, líta inn á við og jafnframt upp og áfram.“
Opnar vinnustofur í janúar og febrúar
FranklinCovey býður upp á opnar vinnustofur í 7 venjum til árangurs í janúar og febrúar. Þar gefst einstaklingum og fyrirtækjum tækifæri til að taka þátt í þessari öflugu vegferð og byggja upp venjur sem skapa varanlegan árangur – bæði í starfi og einkalífi.
Við hlökkum til að halda áfram að styðja íslenskt atvinnulíf og leiðtoga í að skapa skýrari fókus, sterkari tengsl og meiri áhrif með 7 venjum til árangurs. Sjá nánari upplýsingar um opnu vinnustofurnar hér 7 venjur til árangurs – opnar vinnustofur 2026 – FranklinCovey
