360°mat á frammistöðu (360° assessment)
Flestar vinnustofur FranklinCovey bjóða upp á 360° mat. Matið þjónar þeim tilgangi að veita þér yfirsýn yfir eigin frammistöðu og afstöðu valdra kollega þinna um frammistöðu þína með hliðsjón af færniþáttum vinnustofunnar.
Matið er rafrænt, á íslensku og samanstendur af nokkrum spurningum sem þú svarar sjálf/ur/t og getur svo sent á allt að 20 samstarfsmenn, undirmenn, vini eða aðra sem þekkja þig vel. Þannig færðu gagnlega yfirsýn yfir eigin styrkleika og sóknarfæri.
Þegar niðurstöður liggja fyrir prentar þú sjálf/ur/t út skýrslu sem þú nýtir til áframhaldandi vaxtar. Við bendum á að þetta er valkvæður en afar áhrifamikill þáttur vinnustofunnar.
Hvar nálgast ég persónulega matssíðu mína?
Þú stillir upp þinni vefsíðu hér: https://assessments.franklincovey.com
Hvernig vel ég tungumál?
Kannanir FranklinCovey eru aðgengilegar á fjölda tungumála – þar með talið á íslensku. Þú velur það tungumál sem þér hentar strax á upphafssíðu matsins: https://assessments.franklincovey.com
Hvernig stofna ég aðgang?
- Ef þú hefur áður nýtt þér 360° mat í tengslum við vinnustofu FranklinCovey þá skráir þú þig inn sem “Þegar skráður.” Ef þú hefur gleymt lykilorði þínu getur þú óskað eftir nýju.
- Ef þú hefur ekki áður nýtt þér 360° mat í tengslum við vinnustofu FranklinCovey þá stofnar þú þinn aðgang undir “Nýr á vefsvæðinu” og skráir þig inn sem nýjan notanda – og velur þitt eigið lykilorð. Þú manst að samþykkja skilmála og ýtir svo á “Stofna aðgang.”
Hvernig tek ég 360° matið?
Þetta eru 2 einföld skref:
- Fyrst sendir þú könnunina til allt að 20 umsagnaraðila (sem þú velur) – og sendir beint úr eigin póstforriti. Þú afritar einfaldlega textann sem birtist þegar þú ýtir á „Senda texta í vefpósti “ og límir í vefpóst beint frá þér.
- Síðan svarar þú könnuninni sjálf(ur) með því að ýta á „Taka sjálfskönnun“ og haka við þau svör sem lýsa þér best.
Hvernig prenta ég út 360° skýrslu mína?
Nokkrum dögum fyrir vinnustofu þína gefst þér kostur á að prenta út eigin matsskýrslu. Þú sækir PDF útgáfu af skýrslunni með því að smella á “Skoða og prenta skýrslu.”
Eftir að skýrslan þín hefur verið prentuð út mun kerfið halda áfram að taka við endurgjöf í þrjár vikur eftir dagsetningu vinnustofunnar. Til að nýja upplýsingar geti birst í skýrslunni þinni verða að vera fyrir hendi nógu margir umsagnaraðilar til að uppfylla þann nýja lágmarksfjölda sem þá er tilgreindur. Einungis þeir flokkar sem hafa nógu mikla viðbótarendurgjöf verða uppfærðir í skýrslunni þinni. Þeir eru ljómaðir í grænu.
Hvað á ég að senda mörgum umsagnaraðilum beiðni um umsögn?
Lágmarksfjöldi umsagnaraðila í flestum könnunum FranklinCovey er 5 (1 sjálfsmat, 1 mat frá yfirmanni og 3x mat frá öðrum). Við mælum með því að reyna að fá að minnsta kosti 10 umsagnir – en ekki fleiri en 20. Við hvetjum þig til að óska eftir mati frá yfirmanni, samstarfsmönnum og undirmönnum og jafnframt að senda matið til nokkurra umsagnaraðila utan vinnustaðarins.
Af hverju er fjöldi umsagnaraðila ljómaður í rauðu?
Til að fá skýrslu með umsögnum þarf NÝR fjöldi umsagnaraðila í hverjum flokki að vera að minnsta kosti 3. Eftir að skýrslan þín hefur verið prentuð út mun kerfið halda áfram að taka við endurgjöf í þrjár vikur eftir dagsetningu vinnustofunnar. Til að nýjar upplýsingar geti birst í skýrslunni þinni verða að vera fyrir hendi nógu margir þátttakendur til að uppfylla þann nýja lágmarksfjölda sem þá er tilgreindur. Einungis þeir flokkar sem hafa nógu mikla viðbótarendurgjöf verða uppfærðir í skýrslunni þinni. Þeir eru ljómaðir í grænu.